鍾楚紅諗起都驚唔會整容
「大美人」鍾楚紅昨日為護膚品牌開幕擔任剪綵嘉賓，她表示早前到濟州島拍攝，了解品牌純天然製作。提到韓國整容技術出色，她說：「只要保養得宜，做多啲Mask都好有效。（抗拒？）依家醫學昌明，但我就會驚，我個樣生出嚟就係咁，冇諗過整。」
另外，她表示每年會去法國一段長時間，問有否在當地置業？她表示沒有，每次都是寄居朋友家，並笑說：「有時佢哋唔喺度，我可以獨霸間屋！（依家法國治安唔好？）又唔覺，我去外國打扮好平民化，多數去博物館、公園、酒莊。（被人搭訕？）不嬲都冇，同埋唔會理啲無謂人。」