麥明詩唔後悔：做律師要住劏房！

前港姐冠軍麥明詩與黃智賢、王君馨等宣傳劇集，憑劇一圓律師夢的她，笑言律師工作亦有潦倒一面，揚言大家看過她的親身演繹，就會明白她當日放棄做大狀選港姐的決定。

藝人麥明詩（Louisa）、王君馨（Grace）、黃智賢、關禮傑與王梓軒等，昨日到中環宣傳新劇《是咁的，法官閣下》，Louisa等挑戰蒙眼裝飾蛋糕，活動上更為黃智賢送上大狀蛋糕慶祝其52歲生日。

身為劍橋法律系高材生的Louisa，當年放棄律師生涯選擇去選港姐，今次於劇中圓夢的她笑說：「相信啲人睇完會明我點解唔去做律師，因為真係幾慘，又要住劏房！（有朋友呻慘？）為咗24小時近住個法庭，要喺中區附近搵地方住，佢哋會分租，儲唔到錢o架！」

提到媽咪見到劇中的她，會否對其當日決定有微言？Louisa搞笑地說：「佢會認同我嘅選擇，當時我去律師樓實習都好辛苦，晚晚三、四點收工，不過依家就四、五點收工！」

同場的Grace性感低胸現身，更先後與黃智賢及關禮傑鬥飲，大晒好酒量！她表示很懷念與黃智賢合作的日子：「合作前覺得佢好得意，之後感覺似一個大哥哥，我覺得啲觀眾會好憎我，因為頭幾集我憎到佢死！」而黃智賢表示生日至今已收到11個蛋糕，多謝大家愛錫。