黃心美有拖拍未諗再婚

藝人黃心美和宅男女神倪晨曦前日出席活動，心美透露出席完三妹黃心慧在澳洲墨爾本舉行的婚禮，最開心是因婚禮全家人齊齊整整去旅行，因上一次家庭旅行已是八年前。此行，黃心穎帶同男友馬國明前往，原來心美的另一半亦有同行，她靦腆地承認已拍了年幾拖：「男友唔係圈中人，唔想帶佢出嚟影響佢嘅生活，其實以前離婚又好，依家拍拖又好，我都會坦白，但唔想用嚟消費。（男友好入屋見家長？）我妹請佢，佢得閒咪一齊去囉！」她沒有再婚的諗頭，但看到二妹心妙為新娘上頭時，竟失控流眼淚，又爆二妹飲茶時，又笑又喊至噴茶。