苟芸慧新婚夜執嘢錯過洞房

苟芸慧婚後首度出席面膜品牌活動，大爆婚禮後的蝦碌事：「會場啲人話我哋仲有手尾未執好，我哋就落去執番啲箱。最搞笑係我着住睡衣敷緊面膜，個新娘頭仲喺度。」當晚老公陸漢洋亦有執埋一份，覺得浪漫和窩心：「我哋執完之後好攰，返到房即刻瞓着。（冇洞房？）冇呀，太攰。」
苟芸慧新婚燕爾，話題離不開老公。
苟芸慧新婚燕爾，話題離不開老公。

她坦言未習慣叫對方做老公，冧笑說：「不過佢好Sweet，喺after party幫手照顧我啲朋友，值101分！（平時點叫老公？）互叫豬豬！」有指陸漢洋給她一千萬元家用，她反問：「點解我唔知嘅？（唔止呢個數？）冇，笑吓算。平時佢會畀卡我買嘢，不過我都會賺錢投資，我係獨立女性。」同場還有名模馬詩慧。

苟芸慧（右）與馬詩慧（左）同出席發布會。
  • 苟芸慧（右）與馬詩慧（左）同出席發布會。