鄭俊弘生日冇期見女友
歌手鄭俊弘（Fred）11月10日35歲生日，但因本月底要入劇組拍攝《法證先鋒IV》，故提前慶祝：「話咁快第五年同粉絲慶祝，不過今次好趕，好多海外粉絲嚟唔到。依家係處於續會同吸納新會員期間，我唔知實際有幾多Fans，因為仲有國際歌迷會。」有指因公開戀情後，大批粉絲捨他而去，他直言有聽聞：「但我都吸納新Fans，所以冇乜大影響，相信真Fans都希望我可以開心、健康就得。」
Fred又指生日有工作在身，問到女友何雁詩可會提前慶祝？他說：「之後先啦，冇期。（女友投訴？）冇，啲期畀晒公司。（送禮物畀你？）未，佢都有問我想要咩，但我乜都唔需要，最怕人哋送禮或買禮物畀人。」又指要到明年3月才有假放。
