楊曉穎專業「賣身」跳過潛規則
擁42吋長腿的女模楊曉穎（Sharon）早前到上海戲劇學院上堂兩個月，課餘時間接模特兒工作及為寫真集取景。提到在寫真集中全裸上陣，她笑言寧願全裸接Job自食其力，但不會靠潛規則上位：「我係專業，唔會尷尬，之前喺上海識咗班模特兒，大家會講笑咁話我又去賣身或者賣肉，哈哈！」
最滿意翹臀
問到最滿意的身體部位？她坦言是長腿與翹臀，雖然上圍欠睇頭，但Sharon認為作為模特兒，上圍不需太突出，滿足自己的均勻身材，並大讚當地模特兒圈氛圍很好，令她獲益良多：「佢哋好專業，會好勤力做運動，對飲食控制好嚴格，個個都可以做營養師。（有冇潛規則﹖）我冇遇過，但聽過話只要同個客食餐飯，就可以得到工作，不過我絕對唔會咁做。」
進軍內地影壇
雖然Sharon的普通話不算標準，畢業時卻獲頒最優秀學員證書，令她喜出望外：「相比其他同學，我嘅普通話唔正統，我要比其他人花多一倍時間去練習，真係好畀心機，老師都有推薦我去唔同劇組面試，嚟緊會拍一套內地電影。」
PROFILE
姓名：楊曉穎（Sharon）
出生日期：1991年3月4日
身高：1米78
三圍：35A、25、36