鄧佩儀搣麻甩味索女回歸

之前一頭長髮的2013年華姐冠軍鄧佩儀，堪稱女神一族，但為了拍《再》劇演出「朱小慧」一角，不惜犧牲長髮，在4個月的拍攝期中都保持「麻甩」狀態，令旁人側目！

烏歪又擘髀

最近她接演新劇瘦了十多磅，重拾選美時的最佳狀態，可謂「女神歸位」，這兩套劇的角色令Gloria過足戲癮：「演員最開心係演唔似自己嘅角色，朱小慧個角色好草根、好麻甩。平時我同朋友都係講英文多，所以拍劇嗰陣要練廣東話，希望每一粒字都唔會有口音。」

為了「朱小慧」拋開靚女形象，連劇組人員也覺得她烏歪得有點過分，她笑說：「嗰陣放鬆晒自己，坐又擘大對腳，又去研究啲男人點企，其實都幾鍾意麻甩。不過，拍完晒都仲未搣走麻甩味，依家要盡力戒晒啲壞習慣。」

不停被整蠱

劇中Gloria與周柏豪及袁偉豪最多對手戲，三人戲裏戲外也成為好友，開工時更互相整蠱，她笑說：「佢兩個好似讀書時啲大哥哥，開工四個月以嚟不停咁整蠱我，放啲垃圾入我個袋，但係拍得好開心。」

鄧佩儀	當年參選華姐勇奪冠軍的鄧佩儀，狀態大勇。	劇中演「麻甩妹」的鄧佩儀，成日被袁偉豪（中）及周柏豪（左）整蠱。