黃秋生簽定離婚書做埋場戲

黃秋生日前接受車淑梅訪問，大談最近拜祭生父並憶述向妻子坦白有私生子一事的經過。

亡父葬花槽運氣差

今年年初秋生尋回兩位同父異母的哥哥，而父親已於1998年去世，早前他到澳洲想拜祭亡父：「大哥即刻帶我到後花園，指着花槽上面嘅一堆爛泥，我仲以為佢玩我，上面連個名都冇！」原來當地放置骨灰有期限，再安葬亦好貴，才決定將骨灰放在家中花槽下面，秋生笑言：「我見到花槽嗰條坑就知道自己點解運氣咁差，因為老竇葬得咁衰！」

秋生又自揭向妻子「攤牌」，坦白有婚外情及20歲私生子William的經過，他指被太太發現時，兩人差不多要分開：「老婆忍咗我好多年，為咗小朋友，做父母做戲都要做落去，一直做落去就會有好事發生。」又坦言這輩子做得最對是沒有離婚：「老婆成日嚇我，話張離婚證書放咗喺夾萬，我確係簽咗名，但真係唔知自己有冇離婚，我哋感情好似朋友，夫妻一齊最緊要係『有偈傾』嘛！」

雯女見證爭B爆血案

至於該段婚外情，秋生指當年病到七彩，與太太又有點衝突，正好遇到William的母親Joyce：「後來佢有咗BB，我要負責，有日佢突然抱住BB要畀番我，三分鐘後佢又話要番，仲打爆我嘅眼鏡，我見到BB塊面有血，以為BB出事，所以趕佢走，後來先發現係我流緊血。」由於當日他約了鄧萃雯，當時雯女見證了成件事的發生！

秋生自爆與Joyce有婚外情並有私生子William。	Joyce	黃秋生與父母的珍貴合照，秋生拜祭亡父，驚見墳墓也沒有。