伍樂怡食「霸王餐」遭截停追數

伍樂怡放假撇甩男友，掃貨外遊勁Happy！

有「仙氣李若彤」之稱的伍樂怡（Kelly），參選時已被踢爆有一位感情穩定、在大型建築公司任職助理測量師的男友Howard，但最近卻連番撇甩男友！加拿大出生的她早前趁放假，抽空返多倫多一星期，與當地閨蜜四圍逛敍舊，還重返母校緬懷一番，她說：「重遊校園感覺好得意，間學校好多嘢唔同咗，但啲回憶仲喺度！我哋之後仲一齊行街，邊買衫邊換，最後買到一模一樣，沿途好多人望我哋，搞到我哋好似Twins咁，諗番起都覺得幾好笑。」

可能快活到一時忘形，還發生一宗烏龍事件！Kelly自爆無端端食「霸王餐」，笑指與好友飯聚時因傾得太投入，飲飽食醉後便離開，沒料到一出門口便被截停：「我哋一直以為已經埋咗單，點知畀人追住嗌埋單畀錢，太大頭蝦喇！」

成手戰利品照傳情

另外，Kelly日前又出動，現身九龍區的商場行街，身旁一樣未見男友陪伴。穿白色露膊衫的她行了一會已大有斬獲，即使拿到成手戰利品，仍不忘低頭覆短訊，期間還邊行邊甜笑，似向男友傳情。

行個圈已經買到成手嘢，拎都拎唔穩。	一支公行街，當然要報告行蹤！	伍樂怡食「霸王餐」斷正，乖乖入番餐廳畀錢。
伍樂怡與閨蜜敍舊，大吃大喝。