囝囝有對象？森美約「未來親家」出嚟玩

藝人森美昨日出席活動，小時候曾患專注力失調及過度活躍的他，希望用自身經歷為學生打氣。問到子女可有這個問題？他笑說：「好在我太太冇，揀一個好嘅另一半好重要。」提到仔女生性讀書又叻，他即說：「讀書叻唔叻只係排第二，最重要係畀佢哋搵到鍾意做嘅嘢，同埋有成功感。」如此思想開明，問他可會畀仔女快點拍拖？他說：「佢哋5、6年班時，我已經問佢哋有冇鍾意嘅人，愛一個人係要學識點相處。」隨即笑言：「所以我會畀佢鍾意人，但唔會畀佢咁快拍拖。」他自爆14歲的囝囝讀5、6年班時有一個很好的女仔朋友：「我就約嗰家人一齊食飯，到依家都會約出嚟玩，但個仔話佢哋唔係拍拖。（咁快見『未來新抱』？）如果係新抱咪早啲見，唔係咪做朋友囉。」