鄧麗欣吊王子癮：講咗仲使求？

藝人鄧麗欣（Stephy）與台灣男友邱勝翊（王子）剛公開戀情，於本月15日35歲生日的她，專程飛台灣與男友度過，更獲對方送上驚喜，大讚對方有心思布置場地，問到對方有否送禮物？她說：「禮物有嘅，不過唔喺呢度講啦！」她又表示不是戒指，還要大家勿誤會她恨嫁：「我講過我性格好即興，凡事唔會刻意計劃，但結婚呢啲點都要Plan吓嘅，但就算Plan都唔係我去做。（王子係咪你Mr.Right？）依家都唔會去追求係咪Mr.Right，兩個人相處最緊要開心。（如果王子送上戒指，會唔會應承？）梗係唔喺呢度講答案啦！女仔都係要啲矜持嘅，講咗仲使求？」講到兩人相隔兩地，她表示大家一有時間就會做空中飛人，節日會爭取時間一齊慶祝。