Lokman驚風頭被搶 Say No！

釗峰打友情牌

其中被好友狄以達睇好的參賽者Lokman，自爆婉拒對方自薦做Dancer的好意：「佢話喺自選環節如果有需要，可以幫手跳，蒙面都得，我驚佢搶我風頭，叫咗其他兄弟幫手。」他承認有狄以達拉票有一定的號召力，但自己亦信心十足。

表演嘉賓釗峰亦舉手力撐Lokman，大爆受狄以達「指令」於演出時幫手拉票：「會同咁多位參賽者合唱《月亮不代表我的心》，佢叫我記住講34號Lokman，一路唱一路講34，暗地裏滲喺歌詞度。（你都睇好佢？）會睇臨場表現，但如果有份投，友情牌都係畀佢。」

姜濤「佛系」心態

被視為大熱的姜濤會以平常心看待，問到怕不怕表演期間失手？他說：「唔驚，係驚唔知點樣去彌補番，Eric Kwok教落作為藝人要盡快忘記失誤，要盡量做到呢一點。」問到可有叫Fans幫手拉票？他笑言以「佛系」心態面對：「我嘅性格係如果你真係鍾意我就會過嚟。」另一參賽者Ian表示信心一半半，只想做好場騷：「勝負唔係睇得太重，參賽目的都係想多啲人認識，或者得到人哋認同，比賽過程中已經達到目的，又有一班Fans支持。」