李日昇被爆劈腿：食錯嘢肚屙正常嘅

李日昇昨日出席宣傳活動被記者要求就劈腿傳聞解畫，他未有逃避，但可能不慣面對傳媒，起初有點緊張，直言報道出街後收到很多朋友的短訊：「咁對於自己做過嘅嘢，係要負責任嘅。（即係你認一腳踏兩船？）冇，我同佢（黃文意）分手唔係第三者，係性格不合，講緊嘅女仔（陳偉琪）只係訓練班嗰時有聯絡。（同黃文意呢？）佢好似今日生日，祝佢生日快樂！」

女友乜都知

他坦言目前已有拍拖兩年的圈外女友：「多謝佢同我一齊承擔我以前嘅嘢，其實我乜都同佢講，佢知道所有嘢。（視對方為結婚對象？）都係！（覺得有人刻意放料？）咁食錯嘢肚屙正常嘅！」

而壽星女黃文意昨日在社交網發文，指之前專訪談及被「劈腿」是讓自己可以面對挫敗，沒有提及任何人的名字：「當同樣事情發生在我身上時，我會感到錯愕和驚訝。今天我剛好又大了一歲，更珍惜光陰與時間，希望每刻都生活得積極快樂。」相隔不久又附圖發文：「呢個世界有啲人面皮仲厚過呢隻蛋。」似暗寸舊愛。

陳偉琪落閘

此外，陳偉琪（Vicky）昨日到灣仔出席「獅子會全港學生三人籃球賽發布會」，對於被指介入別人戀情，一頭霧水的她說：「我同李日昇相識5至6年，係訓練班同學，合照都係一班人一齊影嘅，大家只係朋友。（知道佢同黃文意曾拍拖？）真係唔知，完全唔關我事。（點睇無啦啦牽涉其中？）我覺得好無奈，我本身唔識黃文意。（會唔會同黃文意解釋吓？）我唔知件事點解發展成咁，我只係覺得自己躺着也中槍。」