前港男杜挺豪請半個月假賀兄弟
曾在亞視發展的陳展鵬，與一班亞視年代藝人，如前「港男」杜挺豪（Derek）、梁皓楷等分屬好兄弟，Derek更專程由多倫多返港，而展鵬和Derek的「家姐」李麗霞（黑妹）亦有參與這個溫馨婚禮。姊妹方面，單文柔同屆港姐亞軍劉穎璇、魏韵芝及兒童節目《Thing Big天地》拍檔鍾晴都有做見證。
黑妹昨日受訪時透露：「過程好溫馨，出席嘅都係自己人，我哋識咗10幾年，佢當我家姐咁，今日佢叫我嚟揸車！」而Derek表示：「以前喺亞視識佢，覺得佢好得意，我哋錄台歌，其實有『貓紙』睇，但佢背晒囉！不過有次佢真係好兄弟，我哋去泰國拍嘢，我唔舒服沖涼時發冷，佢攞毛巾包住我出陽台曬太陽等我暖番，真係好深刻。今次佢結婚，我攞咗兩星期假返嚟飲佢呢餐，祝佢白頭到老，永結同心！」
