關寶慧舊病復發頂硬上踏台板

藝人關寶慧最近忙於演出舞台劇，但開騷前突然舊病復發，令她一度擔心對演出有影響：「我一向有鼻水倒流，一流就會不停咁咳，惟有食敏感藥，但食咗會好眼瞓，最終因為要上台而唔敢食，惟有死頂住啦。」幸好今次與一班拍檔如劉玉翠、莫家堯與演藝學院師妹黃呈欣等均很合拍，連攝影師Jonathan都活力十足，她笑言見他們多過家人，更計劃稍後相約去旅行，好好慶祝一下。
關寶慧與久未露面的莫家堯有不少對手戲，更表情十足。
關寶慧與久未露面的莫家堯有不少對手戲，更表情十足。

讚劉玉翠硬淨

最令關寶慧感恩的，是今次可以與好姊妹劉玉翠「重遇」，透露曾經一段時間大家各有問題要解決，故沒有聯絡一段日子，她說：「我同翠翠識咗30年，一齊入演藝讀書，佢份人真係好硬淨，記得有次要去日本交流，我有阿爸支持，佢就拎住全副身家四千蚊出發，又好似兩年前我爸爸喪禮，冇特別通知朋友，但翠翠當晚出現咗攬實我。」令她甚為感動！

縱使相識30年，關寶慧和劉玉翠卻是第一次合作。
  • 縱使相識30年，關寶慧和劉玉翠卻是第一次合作。
黃呈欣（右）舞台劇經驗比兩位師姐豐富。
  • 黃呈欣（右）舞台劇經驗比兩位師姐豐富。
關寶慧和劉玉翠相約飯局，感情不變。
  • 關寶慧和劉玉翠相約飯局，感情不變。