英皇電影殺入奧斯卡 林超賢望雙喜臨門
英皇電影《邪不壓正》及《紅海行動》，分別代表內地及香港報名提名第91屆奧斯卡最佳外語片。對於電影公司喜訊連連，《紅》片導演林超賢大感高興並笑言：「希望雙喜臨門，一齊入圍！」
影壇大忙人林超賢正積極籌備新片，對於英皇電影成績斐然，他希望旺氣繼續來。日前他抽空出席北京中國電影資料館舉辦的「林超賢特別展映」，吸引逾千名影迷到場。林導暢談卅年的電影之路：「其實我可算是趕上了香港電影最好同最唔好嘅時候，從工作人員做到導演時就遇上盜版猖獗同金融危機，令我一度想放棄。到電影《證人》開始，先明白邊一類電影係自己最有感觸嘅，其後嘅幾部作品受大家喜愛，令我深感榮幸。」
他直言11月將開拍的電影《緊急救援》是一次新的挑戰：「我可以肯定咁同大家講，呈現嘅效果將比《紅海行動》多幾倍。片中嘅特效量、海上場景都係我哋第一次經歷，希望可以做到在內地電影中一個從未見過嘅題材。」
睇好彭于晏做影帝
提到將與彭于晏第四次合作，他大讚對方：「彭于晏非常拚命和敬業，仲有張家輝，佢哋都係自制力超強，不斷挑戰極限嘅演員！」有現場觀眾問彭于晏甚麼時候可以坐上影帝寶座，林導笑言：「影帝是需要時間的，但我相信他會的，很有機會。」
