徐濠縈扮大肚睇波
「時裝達人」徐濠縈、前港姐馮盈盈及名模Jessica C.昨晚出席品牌Pandora新店開張活動，對於丈夫陳奕迅（Eason）與兩次大滿貫得主李娜打網球，徐濠縈笑言老公曾要求她和女兒學網球：「阿女有打手球，佢好有天分，仲係校隊選手，但比賽就唔畀我兩公婆去睇，怕唔方便。Eason試過匿喺好遠嘅觀眾席偷影阿女比賽，我有諗過扮大肚婆，不過阿女話我扮乜都會被認出。」
而馮盈盈指10月是她與男友的拍拖周年紀念：「我會送一份好實用嘅家品畀佢，依家問緊有冇贊助。（禮物都要贊助？）男朋友知道一定讚我知慳識儉！」她笑言送過飾物給男友，刻意挑選中性款式：「因為佢做醫生唔方便戴飾物，自己可以拎番嚟戴。」談到置業，她笑言爸爸批准他們婚前置業及同居。