藝人鮑起靜、鄺文珣（May）和傅楚惠昨日在深水埗拍攝劇集，問到多年沒拍劇的May為何「復出」？她說：「因為有做一個慈善計劃幫助內地孤兒，覺得呢個劇本同自己嘅理念好似，寫得好感動，加上知道可以同鮑姐合作。（之後繼續拍劇？）始終有家庭，會將佢哋放喺首位。」期間鮑姐大爆May兒子的蝦碌事：「佢要開工，大仔幫手照顧妹妹，點知唔識換尿片，最終因為太重，成條尿片跌咗落嚟，好搞笑。」她讚今次的執紙皮婆婆角色造型夠逼真：「妝髮都做得好好，啲牙都染黃埋。」
