許靖韻獻身呵番行街照爆鏡

Angela與男友Kenny邊行邊傾邊照鏡。

「小背心」許靖韻今年初以香港歌手代表身份參加內地選秀節目《創造101》，因唱功好而獲封「點讚王」，雖然最終未能晉級，但已人氣急升，成功在兩岸打開知名度。早前她被指與組合Super Girls隊長Aka的表弟、同樣參加選秀節目的容穎賢（Kenny）拍拖，發展戀情約1年，但他們否認，只稱是好朋友。

Kenny包到冚

Kenny早前在節目被Foul，忙在內地工作的Angela近日難得在港，即相約男友出來安撫。日前晚上7時許，穿露膊衫配短裙的她大騷白滑玉腿，與男友在中環街頭現身，兩人邊行邊傾往附近港鐵站。未知Kenny是否怕被認出，全程戴帽及口罩包到冚，而貪靚的Angela就邊行邊拿着電話照鏡整理儀容，實行Keep住最佳狀態。陪男友買車票後，兩人繼續並肩行密密傾，之後雙雙入閘搭港鐵離開。

貪靚的許靖韻頻頻整理帽子。

男友急急腳搭扶手電梯，許靖韻仍然照住鏡。

「佢皮膚敏感」

事後記者就拍拖被撞破一事致電Angela，她說：「唔會喺中環拍拖啦！我哋有同事喺隔籬，幾個人去食飯。（你同Kenny感情有進展？）其實都冇話進展，了解中，大家係好好朋友，成班朋友成日出嚟食飯玩，但呢排真係少見咗，因為我好多時喺內地工作。（點解Kenny包到冚？係咪怕被認出？）唔係，佢皮膚敏感啫。」