黃日華代老婆撐文千歲出自傳
粵劇名伶文千歲推出自傳，前晚於尖沙咀舉行簽名會，獲黃日華等現身撐場，事後眾人拉隊出席慶功宴，文千歲獲戲迷送贈蛋糕，寓意新書發布順利。黃日華說：「我太太跟佢太太芯姐（梁少芯）學戲，我係代表太太嚟支持，人多地方佢唔係咁啱嚟，我想佢唔好咁操勞。」
談到囡囡黃芷晴男友曾為他準備至愛的奶茶，黃日華卻怕醜未有當面道謝：「唔好意思當面畀番錢佢，咪叫個女幫手囉！（覺得未來女婿點？）最緊要個女鍾意，做父母要開明。（第日幫手湊孫？）可以(o架)，以前忙工作冇時間湊女。（教個孫？）都會，但一定會教佢是與非，同做人要有禮貌。」
文千歲花四個月籌備自傳，又談到憶起的難忘事：「1歲左右媽媽擺街邊帶埋我去，太凍又落雨，佢收檔唔記得咗我，我氣若游絲，好彩有人救番我條命。（影迷想你東山復出。）冇做戲8年，再做要認真考慮，我哋呢啲老古董。」下月80歲生日的他不會大事慶祝，只會與家人食飯。