歐詠怡寧揀宅男唔愛蒲精

宅男女神歐詠怡（WingWing）、劉海琦昨日出席遊戲活動，WingWing打扮成經典動漫人物「不知火舞」，大騷事業線及美腿，吸引大批Fans撐場！其造型似乎不及原裝性感，她說出席現場活動安全第一。平日愛打機減壓的她，表示以前的男友亦愛打機：「我覺得宅男比較專一同乖啲，寧願佢打機好過去蒲。」
歐詠怡以「不知火舞」造型出現，冧爆宅男。
歐詠怡以「不知火舞」造型出現，冧爆宅男。

目前她正錄製第二首講述失戀的情歌，更將過去的失戀經歷投入，演唱時特別有感情，之後會準備拍MV。問到MV可有男主角？她說：「未知，如果有感情戲當然更好啦！（想揀邊個做男主角？）我永恒偶像係韓星G-Dragon（GD），如果搵到佢就真係超級開心！」

劉海琦的Game Girl打扮，同樣搶鏡。
  • 劉海琦的Game Girl打扮，同樣搶鏡。