薛家燕不問回報唔阻莊錠欣發圍
藝人薛家燕近日化身「Captain Nancy」宣傳紅館騷，從影60年來深受同行愛戴，皆因她從不忘提攜後輩，由當年的張國榮到今時今日勇闖韓國發展的莊錠欣都是好例子。
《六福珠寶呈獻：薛家燕愛你無限60年演唱會》將於12月4至5日假紅館舉行，薛家燕坦言既興奮又大壓力：「紅館係第一次，務求做到最好！」
提到曾幫助不少後輩，她就大讚莊錠欣（Elkie）在童星時期已演技出眾：「佢拍喊戲可以即時流出眼淚，我問佢鍾唔鍾意唱歌跳舞，佢話鍾意，我話不如去我間藝術中心上堂。佢『er』咗好耐，我話如果係學費問題，我會特別安排，有天分就唔好埋沒。」
帶童星女團登台
薛家燕一直用心栽培Elkie，帶她到新加坡及馬來西亞演出，又組成少女組合Honey Bees：「後來有間韓國公司睇中佢，佢擔心我會阻攔，因為我擺咗好多心血喺Honey Bees，但呢個係佢嘅機會，我叫佢唔好放棄，如果需要幫手就隨時聯絡我哋。」如今成為韓團CLC成員的Elkie早前曾到旺角開騷，薛家燕亦有到場欣賞，更大讚對方有進步：「見佢依家咁叻女，我都好開心。」
初入行僅得千元
而另一位遇上薛家燕的就是已故巨星「哥哥」張國榮，初出道的他主動參與節目《家燕與小田》，薛家燕憶述他當時只得千幾元人工，其中500元要用作交租：「佢好勤力，問我加埋佢跳舞好唔好，原來佢成日坐喺度就係睇我哋點跳，到佢一加入又真係跳到！」之後「哥哥」成為薛家燕登台的好拍檔之一，二人更試過一起出席金鐘獎頒獎典禮：「佢第一次做頒獎嘉賓，就去韓國買咗個花樽畀我，我依家仲擺喺屋企。」
場地：六公館