藝人魏秋樺和葉家寶前晚出席亞洲會周年晚宴，穿上低胸裝的秋樺大晒事業線，透露晚宴破天荒邀得家寶合唱，家寶笑言打天才波，因事前雙方未有抽空練歌。問到是否有意加入歌壇？他笑說：「會呀！我想參加內地節目《我是歌手》，（歌喉如何？）平時好少唱，所以唔知啲觀眾反應點，我唔係咪霸，但朋友都鼓勵我要更加努力。」
