關寶慧爆劉玉翠M巾大整蠱
藝人劉玉翠與關寶慧相識30年，首次合作舞台劇。這對同期的演藝學院同窗，與陳錦鴻及麥兆輝等亦是同屆死黨。二人日前接受本報專訪時憶述當年的瘋狂歲月，寶慧指同學們感情要好，每日放學四圍玩，由於聲浪太大，所到之處均被人報警或投訴，當中以劉玉翠最百厭。
她大爆劉玉翠瘀事：「有次佢哋嚟我屋企打麻雀，佢諗住『通水』話有人叫胡，不停咁大力拍個櫃，搞到隔籬房瞓緊覺嘅媽咪都畀佢嘈醒！咪睇佢細細粒好斯文咁，其實係同學中最癲！佢試過同甄詠蓓、我一齊黐咗塊衞生巾喺監製張志偉背脊，仲要係唧咗茄汁嘅，最終兩個鐘先發現。」搞事的劉玉翠後來遭大報復，被導演麥兆輝掟落垃圾桶。
二人於劇中飾演姊妹，現實生活中，身為孻女的寶慧於溫室長大，萬千寵愛在一身，而劉玉翠則於木屋區成長，雖然生活環境不同，但她們依然能成為密友，有說不完的話題。