姜濤被跟蹤兜路撇甩粉絲

節目進入最後階段，決賽將於10月14日晚上現場直播，冠軍將贏得100萬元獎金，十強參賽者昨日到商場出席活動拉票，場面墟冚！每位參賽者都有Fans舉牌，江熚生（Anson）、楊樂文（Lokman）及大熱姜濤都有大批Fans支持，歡呼聲震天。

避開人多地方

人氣王姜濤謙稱大家粉絲數目差不多，只是自己的粉絲早到霸得靚位，問到有否遇到癡情Fans？他說：「試過Instagram直接message我，叫我講生日快樂。（有冇人跟蹤你？）有，但冇跟到返屋企，我會避開人多地方，唔想影響屋企人。」昨日他唱出初賽唱過的《123我愛你》，問決賽時會否騷肌？他說：「唔會喇，演藝生涯都唔騷，哈哈……（會表演咩？）未定，準備好先講。」

楊樂文表演勁舞，贏盡掌聲。	江熚生扯衫，Fans高呼我愛你！	《全民造星》最後十強到商場拉票，聲勢浩大。

Anson扯衫晒肌

勁舞之人Lokman表演跳Popping及Locking再加後空翻，技驚四座！他透露決賽當日會表演跳唱Sell熱情，有信心奪冠。

外形靚仔的Anson獲粉絲大嗌我愛你，問有否信心挑戰姜濤人氣王地位？他說：「我有我嘅Fans，惟有比賽前放多啲唱歌片，希望吸納新Fans。」問到會否操大隻？他說一直有練腹肌，並即場拉高T恤騷六舊腹肌！而監製黃慧君（花姐）透露決賽評判有周慧敏、劉偉強及Lady GaGa排舞師Travis Payne等。