Gisele出書揭瘡疤隆胸救鴛鴦乳

曾為超模一姐的Gisele，在新回憶錄《Lessons：My Path to a Meaningful Life》中自揭不少秘密，原來她2015年曾做隆胸手術，當時她以母乳餵哺子女長達36個月，導致左右胸不對稱：「我成日畀人讚我身材，我覺得滿足唔到人哋對我嘅期望，覺得好軟弱，因為我可以做運動，可以食得健康，但改變唔到兩個細路都鍾意飲我左邊奶多過右邊奶嘅事實。我只想佢哋平衡番，等人哋唔好再討論！」

老公鼓勵 學懂放下

做完隆胸手術後，Gisele一度感後悔，早上醒來時覺得身體很陌生，幸得美式足球球星老公Tom Brady鼓勵，表示無論她變成怎樣都會愛她：「我學到，殺你唔死嘅嘢會令你更堅強，但可能嘅話，我唔想用呢個方式學到。」

機艙病發 諗過跳樓

她又自爆曾患驚恐症，首次發作是2003年，當時她坐在小型飛機內，自此對隧道、升降機及狹窄空間產生恐懼，更因而萌生自殺念頭，想過跳出露台，其後她求醫及改變生活模式，一天內戒掉煙酒及咖啡。當年她與影星里奧勒度狄卡比奧（Leonardo DiCaprio）蜜運中，想不到當時她正受驚恐症折磨。