「兒歌天后」李紫昕筋膜炎死頂演音樂劇
「兒歌天后」李紫昕日前到電台接受薛家燕的節目訪問，講到10月中加開5場音樂劇，她表示很開心，皆因首次演出古裝音樂劇，當中有5個造型，但每次只得30秒換衫Set頭，所以是一大挑戰。
她又透露左手患筋膜炎，增加演出難度：「今年突然爆發好痛，隻手都歪晒，所以去睇醫生，點知做完8月音樂劇後嚴重咗，依家我係咁做不同治療，針灸、氣功、放血乜都有，係好轉咗嘅。（但做完10月騷可能會嚴重咗。）預咗o架啦，但冇法，希望完咗後好好調理吓。」講到薛家燕的名曲《皆大歡喜》由她一手包辦，她感謝對方當時給她機會，稍後對方開騷定必到場支持。