Robynn感激Kendy伴走荊棘人生
組合Robynn & Kendy出道7年，成員Robynn曾跌入人生深淵，到即將跟真命天子共諧連理，Kendy一直陪伴身邊。雖然Robynn對婚事非常低調，但談及求婚過程及好友幫忙，她還是表現出無盡感動與窩心！
Robynn & Kendy（R & K）推出歌曲《青春終老》，受訪時準新娘Robynn甜蜜重提被男友Jonathan求婚的心情：「真係冇諗過，因為嗰時第一次做賣飛演唱會，我好緊張同擔心，之後我哋又有勁多飯局，要去慶功同埋多謝人，我男朋友終於話好耐冇兩個人拍拖，咁啱佢等到有一日，用一個好低調嘅方式，喺我哋8年前第一次拍拖嘅地方求婚。」又指多年來共同經歷很多事情，難掩當中的感動。
兩地奔走感掙扎
Robynn又感激Kendy陪伴自己走過深淵：「啱啱出道嗰時，媽咪病得好嚴重，我好似畀生活拋咗去唔同嘅極端，呢日喺冰天雪地嘅北京趕去醫院，第日又跑返香港好陽光咁同大家介紹自己，真係好掙扎。」Kendy就慶幸隊友遇上真命天子，認為兩人是互相了解與扶持的完美伴侶：「預咗佢哋結婚o架喇，爭在幾時囉。」何時到Kendy有好消息？她笑言大家要等等：「最正係我哋嘅另一半會好似組合咁出現喺我哋啲演出度，佢兩個又差唔多高，仲似組合過我哋！」
着便服影婚照
問到婚禮籌備情況，Robynn繼續低調：「一切計劃當中，最開心係好多人幫我哋，某啲人仲着緊過我自己，都幾窩心。」並透露早前與未婚夫穿便服影了結婚相，更親自為對方做Styling。而R & K的化妝師和髮型師就幫手剪髮Set頭，令她倍感窩心，但隨即自爆未必穿婚紗影相：「有呢個需要咩？啲人話到結婚嗰日，新郎先見到新娘着婚紗個樣，會有種特別微妙嘅感覺。」Kendy就笑着提議：「整兩套婚紗囉！」
服裝：MAGinSHOP