下月開騷Eason向黎明取經

陳奕迅（Eason）前晚到電台受訪，宣布10月27日將與the duo band在中環摩天輪海濱空地舉行一場慈善音樂會：「想回饋番香港，因為要經過好多程序、安全、技術嘅嘢，有諗過咁煩不如將做製作嘅錢捐出去就算，但最後皇天不負有心人！」他謂會在「核心內圍」開騷，又提到「明福俠」黎明曾在同一地方開騷，笑言：「我要問吓明生先得，多謝佢啲月餅，好正，未試過收到明福俠嘅月餅。」

搵食騷治愈更多Fans

Eason又說今次開騷招待過千人，主要對象是十幾間慈善機構的青少年，少量門票給電台聽眾，會實施實名制，希望為青少年帶來正能量：「音樂可以治愈好多嘢，不過今次開住一場先。」問到可會放大喉嚨唱讓「核心外圍」都聽得到？他表示知道要控制聲量，到時會跟各方協調，笑言：「之後會做番啲商業演唱會，依家度緊o架喇，到時會有大量門票治愈更多人，我都想搵番餐晏仔食。」

落手落腳發放正能量

問到慈善音樂會是否動用很多人力物力財力？Eason說：「唔係，係用好多愛去做啲細微嘅嘢，心存好事就會將正能量散播開去。（係咪想幫有情緒病嘅青少年？）考慮到聲音可能會刺激佢哋，所以冇預到，之後再想唔同方法去幫。」他坦言今次開騷自己落手落腳搞，但不肯透露成本：「總之做得開心就得。」講到上電台做限定主持，接聽眾電話傾心事，他稱任何話題都可以傾：「不嬲冇界線，但唔係打電話上嚟就有飛攞，要睇吓佢係咪有愛嘅人。」