杜如風為黃又南捱熱
藝人黃又南昨日為自家潮流服飾品牌舉行發布會，獲緋聞女友杜如風、蔡一傑、黃德斌、吳嘉龍及莊思敏等大批藝人好友現身支持，黃秋生和任達華更拍片祝賀。又南與拍檔萬希泉鐘錶有限公司總裁沈慧林（William）一同受訪，感激對方支持，自爆經常講電話至深夜，問William可覺得煩？他即讚又南做事認真、謙虛和孝順，又透露合資近七位數字。
杜如風穿上長袖衞衣做人肉宣傳，她說：「為佢捱吓熱啦，佢今朝6點拎件衫畀我。」提到又南見到她冇化妝的真面目，她笑說：「我咩面目佢都見過。」但笑言並非願意為對方做任何事：「唔通叫我落砵蘭街都去咩？不過一定會互相幫忙。」
