岑麗香米蘭濕平狂掃袋
藝人岑麗香（香香）昨日出席護膚品牌活動，剛從米蘭時裝周回港的她，坦言此行夢想成真兼大開眼界。問到有否順道瘋狂購物，她笑言：「咁又冇買到破產，都有落手。（買畀老公定自己？）兩樣都有，但買畀自己多少少。（買咩？）衫同手袋，嗰邊價錢抵少少，作為一個負責任嘅消費者，我係會格價。」她坦言在當地不停吃意大利菜，依家見到都怕：「食咗唔同嘅Pizza。（有冇肥到？）有少少，但啲人話唔會即刻肥。」
而早前昏迷入院一度危殆的余德丞近日復工，自言胖了一點：「都休息咗一段時間，呢排見咁多人，開心啲、開朗啲，對病情都好啲。」問到會否擔心未能應付工作？他說：「醫生都叫我唔好做咁劇烈嘅運動，同建議我唔好食太辣同有酒精嘅嘢。」他又指公司暫時未有安排劇集給他，但：「最緊要重拾工作嘅熱誠，咩角色都想試。我發生咗咁多事，都體會到好多嘢，想演少少深情嘅角色。」