周柏豪：連詩雅贏晒！
藝人周柏豪、連詩雅（Shiga）、陳靜（DaDa）及松岡李那前晚到澳門為「國際時尚超模大賽2018（中國及港澳地區）」擔任評判，問到評審準則，柏豪說：「話明選美，第一眼梗係睇外形，要合眼緣，之後再睇內涵才藝。（身形高挑有着數？）好似Shiga咁高？如果佢參選就贏晒啦！」
泳照撒網唔覺瘦
講到在無綫劇《再創世紀》的角色被指似羅嘉良當年飾演的「葉榮添」，他直言「過獎」，因對方是其偶像，但沒有刻意參考其演出：「兩個角色其實唔似，我呢個角色係天才但情緒化，覺得自己啱晒，都幾乞人憎。」她又表示兒時曾想過選美，但因怕穿泳衣而放棄，提到最近甫了多張泳照上網，她表示因做了外國泳衣品牌香港區代言人，對於被指太瘦，她說：「角度問題啫！」
陳靜揀心水小鮮肉
至於陳靜透露年底將接拍幾套電影，其中一套是女性題材，明言目標是攞獎，又指電影公司任她挑選男主角，問到是否想要「小鮮肉」？她即吞一吞口水，笑說：「當然係靚仔好啲啦！但唔係為咗自己，係為咗畀觀眾睇靚嘢。」另外，當晚決賽共16位佳麗參加，最終由吳雅芳、齊越及杜珺分別奪得冠亞季軍。
特派記者陳偉立澳門報道