同朱茵演母子張繼聰嗌恐怖

藝人朱茵與張繼聰昨日到深圳出席驚慄電影《古宅》見面會，首度與朱茵合作的阿聰表示：「收到邀請好開心，但後來知道同朱茵演母子，就知道呢套真係恐怖片，不過如果演情侶相信會更恐怖。」談到片中難忘場口，阿聰坦言拍攝該片期間，覺得對媽媽不算好，不禁流下眼淚，朱茵則稱想到寶貝女兒：「我幻想佢將來真係好似戲中角色咁樣對我，我真係會好難過，幸好電影喺香港拍攝，每日拍完返屋企我都可以抱佢，亦會同老公撒嬌，感覺就唔會孤單。」