單文柔婚禮唔唱歌怕失禮陳展鵬

藝人單文柔昨日到天水圍出席中秋節活動，首次公開獻Sing的她明顯緊張，她接受訪問時笑言：「梗係緊張啦！因為係第一次，表現有少少失色，仲有好大進步空間，因為我好少唱歌。（唱過畀男友陳展鵬聽？）我同佢差好多級，始終佢係歌手出身。」忙於籌備10月婚禮的她，被問可有對唱環節？她笑說：「佢想畀驚喜我係OK，但真係唔好預我呀。（恨生小朋友？）都有諗，有小朋友係熱鬧啲，但都想過二人世界，最近我哋為婚禮成日見，已經開始有家嘅感覺。」