工藤佑采自爆有金龜暗寸莊思明Cheap

睇唔過眼就要出聲！（設計對白）
工藤佑采暗寸莊思明多事。

言論大膽的馮盈盈早前在節目《#後生仔傾吓偈》中爆出「公廁論」：「如果我哋嫁畀有錢人，就畀人話『睇死佢啦！想吊金龜啦！係雞，係公廁！』」，身為港姐前輩的莊思明直接批評她的言論「好Cheap」，網民對此反應不一，更有人留言人身攻擊莊思明。

慶幸參選前分手

以為事件告一段落之際，落選港姐工藤佑采繼早前跟師姐黃心穎爆罵戰後，昨日又在社交網發表驚人言論，她撐馮盈盈的言論沒有問題，對方只是覆述事實，字裏行間更暗寸莊思明：「可能言語上身為一個港姐，係有點大膽，但係同Cheap好似點都拉唔上關係！Cheap嘅定義唔係應該係無啦啦又冇得罪你、又冇話你，但是你自己又話人哋在先咩？」她又稱見過馮盈盈，覺得對方漂亮和可愛，說話大膽兼真實，並自爆：「好彩我比賽之前同男朋友分咗手，如果唔係可能都會畀部分人話我！」

水唔係咁抽㗎！ 莊思明發文暗諷有人抽水，不要對號入座。

馮盈盈（左）與麥明詩主持節目，經常爆金句。

「水係飲唔係抽」

之後莊思明在社交網發文，雖然沒有指名道姓，但言詞間似還擊工藤佑采：「水，係應該用來飲唔係用來抽，請大家珍惜我哋剩下嘅水源。」表面呼籲大家珍惜食水，卻似暗諷工藤佑采抽水。她又意有所指：「唔好自己對號入座」、「唔明點解啲人搞咁耐」及「難道有時差」。而馮盈盈昨晚更新社交網，自稱是最強睡寶寶，還標籤：「瞓咗無睇」、「世界與我又何干」、「醒來已是新一天」，似暗示不想捲入是非。