鄺潔楹陳詩欣月圓搵伴
憑無綫旅遊節目《3日2夜》升呢「女神」的鄺潔楹（Judy）及陳詩欣今個中秋未有着落，要在工作中度過，笑說：「我哋兩個成日『月圓』！」雖然無綫有不少男藝人，但她們表示：「個個都有另一半，啲筍盤畀人封晒喇，唔係封咗都好事近！」
兩人私下經常分享對愛情的看法，詩欣笑言以前年紀輕愛情至上，但隨着年紀漸長，會先細心觀察追求者才開始戀情。Judy坦言疲累的時候也想有個人依靠，對她噓寒問暖，不過恨拍拖的她又很驚青：「我係大情大性嘅人，好投入感情，如果分手嗰啲，第二日會返唔到工，會呃經理人好病，其實應該係喊到死咗！所以我唔會亂咁開始一段感情。」
粉絲「報料」唱舊愛
問到被封「女神」，可擔心拍拖會激嬲粉絲？她們笑說：「粉絲知我哋冇拖拍，反而戥我哋擔心！依家啲粉絲抱好開放嘅態度，甚至做咗人妻仲愈來愈受歡迎添！」Judy直認有了解中的圈外對象，又自爆初入行時有粉絲在活動上見過其前度，隔了數月後見到她時吞吞吐吐說：「我喺灣仔見到你男朋友同第二個一齊。」她即笑着表示早已分手，並指舊愛當年以她入行做藉口提出分手，實則心郁郁想識其他女生，她笑說：「我已經唱咗佢好多次，佢心諗『呢個人咁小器，又唱我。』」
場地：醉胡爐