以大銀幕上神經質碎碎唸聞名的導演、編劇兼演員活地亞倫（Woody Allen），公開自己的抑鬱症問題，自言沒有童年陰影，是個開心的小朋友，直到大約5歲，意識到人會死亡，永遠消失。他認為人生沒有意義，只能依靠分散注意力才可以活下去：「做人要間唔中呃吓自己，如果唔係人生就太難捱。如果你冇一個好嘅自己呃自己嘅心態，又或者半夜3點扎醒，而冇嘢可以令你分心，你會背脊骨都寒埋。」
活地睇心理醫生睇足30年，其後轉看精神科醫生，最後才停止。他表示創作是其自我治療的方式：「拍戲對我人生係好事。如果你唔工作，對你心理唔會健康，對我尤其係。我會坐喺度被負能量思維困擾，喺度諗自己會死，搞到好焦慮。但當我要諗，我請唔請到呢個演員？我個劇本掂唔掂？所有呢啲可以解決嘅問題，係好玩嘅小拼圖，而唔係人生中冇法解開或者只能有差勁解決辦法嘅大拼圖。」