陳婉衡被哥哥寵壞坐移民監變喊包

藝人陳婉衡（Alycia）外表女性化，但原來小時候性格男仔頭，皆因童年玩伴是年長11歲的哥哥，兩人常玩男孩子玩意，例如模型車。Alycia表示與哥哥感情要好，從未試過打交：「哥哥好錫我，差唔多係寵壞我，從來唔會打我，反而有次係我出手打佢，點知畀媽咪見到，媽咪打到我癲，仲趕我出門口話唔要我，自此我就知道打交係唔啱，再冇出手打過哥哥。6歲嗰時我同媽咪移民去加拿大，哥哥同爸爸就留喺香港，英文我又唔識，年紀又細，覺得自己好慘，所以成日喊。嗰時每年會返香港一次見佢哋，每次見完返加拿大都會喊成個星期，因為好掛住爸爸同哥哥。」