雖然「炸雞」同「石油女」年紀爭一大截，但最終開花結果，令好多人大跌眼鏡！不過愛係冇分界限嘅，其實「炸雞」真係好錫「石油女」o架，當年佢兩個拍定情劇時，「炸雞」就已經對女方生滋貓入眼，當佢確認神女都有心時，就即刻快速落訂！
「石油女」其後備受力捧，劇接劇，仲同出晒名口甜舌滑嘅「旅遊王」合作，「炸雞」知道當然即刻搵機會同「旅遊王」講：「佢係我女人嚟，你唔好搞佢呀！」原來唔只「旅遊王」收過「警告」，電視台唔少男藝人都被「炸雞」兇過，雖然呢個做法真係好老土兼小家，但「石油女」又好受喎，覺得夠晒Man，果然係天生一對！
