蘇永康1,800萬掃兩單位老婆阿媽都有份

歌手蘇永康（阿公）的母親及太太馮翠珊昨日現身將軍澳某樓盤，兩婆媳更一口氣豪擲超過1,800萬連掃兩個500多呎的中層單位。身在內地工作的阿公昨日承認買樓一事：「係呀，屋企人係去揀樓，其實兩個單位唔係我阿媽一個人掃晒，一個係我太太買嚟投資，另一個就係我買畀阿媽收租嘅，咁阿媽鍾意收租嘛，我做仔嘅，做到咪做囉！」近幾年他頻到內地及美加巡迴演唱，銀彈充裕，早在今年1月已斥資2,800多萬購入位於北角的豪宅。