吳業坤自誇有39吋胸肌（抓）機會露肉
歌手吳業坤昨日出席職安健活動，最近大隻不少的他被問到胸肌吋數時，笑說：「目測39吋。（冇度過？）自己揸過，C Cup！不過唔知係唔係，你使唔使測試吓？」提到劇集《殺手》監製陳維冠拍《誇世代》時已想他露肉，他自言今次有機會露上半身：「我隨時露得，有信心嘅，由細到大都比較翹（屁股）。」
唔係要做脫星
他更打算在新劇加插露肉情節，認為機會要自行爭取：「有一場戲講我畀人捉咗，睇吓會唔會變到衣衫襤褸，或者借啲意鎅穿自己件衫。（想做脫星？）唔係，性感少少啫。」
菊梓喬希望出書
同場還有菊梓喬（Hana）、鄭俊弘及戴祖儀，Hana希望出書分享以往的逆境經歷：「如果有一日我攞到一個認證同肯定，就會出書鼓勵年輕人。（例如女歌手獎？）係呀，或者傑青。」她很想分享過去的經歷，覺得自己以前的故事比較好看：「希望分享吓。（不如出寫真？）我喎？半百美魔女咩？一係半百嗰時出！」提到早前去了北京，她表示很開心代表香港到中央電視台演唱新歌，更在當地留了兩天狂歎美食。