徐小鳳唔信子華收山：佢車大炮！

化身銀色美人魚的徐小鳳，笑言不信黃子華收山。

徐小鳳舉行六場的《金光燦爛徐小鳳演唱會2018》演唱會，除展示精湛歌藝外，搞笑能力亦一樣強勁！今次個唱她請了「寶島歌王」青山任嘉賓，兩人當年一齊跑歌廳和夜總會成為好朋友，她一展棟篤笑本色說：「記得小時候邀請你嚟我屋企食飯，媽咪會煲湯畀你飲，而我都只係月尾先飲到，因為月尾出糧！」之後她又爆青山發大財，全因有條「青山道」，未料青山同樣風趣：「仲有間青山醫院，想去嘅可給大家打折！」到台灣「急智歌王」張帝出場，小鳳竟嗌錯他做「青山大哥」，惹來全場爆笑。

小朋友催落台

個唱上她換上多個造型，其中穿上藍色晚裝，裙腳綴有彩色花，數十位小朋友從裙底拉開一幅白布打造「海浪」效果演繹《人似浪花》一曲，她又換上銀色美人魚裝勁歌熱舞。之後穿上西裝的小朋友拿着一支鮮花上台，竟大膽催小鳳落台：「夠鐘落台，政府規定冇辦法！」招架不來的她最後亦只能「就範」落台。Encore時她換上招牌波點裙贏得全場歡呼聲，又即興與捧場的蓋鳴暉合唱《香夭》，更順應民意唱出《叉燒包》及《順流逆流》，為演唱會畫上句號。

夠鐘落台喇！	黃子華	與蓋鳴暉合唱《香夭》，觀眾拍爛手掌。

最怕就係背稿

個唱後她接受訪問時笑言會給自己80分，大家提議她開Talk Show，她笑言沒想過，還反問：「我得咩？我係唔可以背稿，叫我背就慘，都係見到咩講咩，我今晚都Talk好多，你唔覺得咩？（好多都收晒山，例如黃子華？）佢車大炮，我唔信佢！」

徐小鳳的「人造浪花」意境浪漫。	張帝（左）	徐小鳳分別請得台灣歌手青山（圖）及張帝做嘉賓。