鄧洢玲操肌留「華麗倩影」
藝人鄧洢玲（阿旦）、組合RubberBand、麥子樂等前晚出席品牌活動，清減不少的阿旦透露年底將有機會拍攝動作片，故近日勤於健身及練跆拳，務求令四肢更靈活，問到減了多少磅？她說：「冇太着重磅數，不過覺得肌肉結實咗！朋友都話我瘦咗。（係咪想練馬甲線？）咁人生都想嘗試華麗一次，依家未係好明顯，係中間位同旁邊有少少成效，好想最Fit嘅時候影一次相！」
而近日加盟古天樂旗下公司的麥子樂，對於與好友佘詩曼同公司，他指當年於電視台年代，雙方僅合作過三部劇，若有機會也想再合作，並說：「我有睇佢嗰套《延禧攻略》，好奸，真係驚咗佢，所以好期待同佢合作。其實喺阿佘身上學到好多嘢，之前我有乜重要嘅劇本，好多時會問佢意見，因為佢經驗多。」