徐小鳳開騷男粉絲跨欄獻花

殿堂級歌手徐小鳳合共六場的《金光燦爛徐小鳳演唱會2018》昨晚在紅館開鑼，身穿露肩白色公主裙的她以《神鳳》掀開序幕，多謝大家來捧場：「都成3年冇見，以為你哋唔記得咗我，但應該冇咁快啦。」觀眾大讚她好靚，她笑說：「我梗係知啦，有時我靚到唔敢照鏡，驚照爆鏡。」之後她脫下披肩時頗為論盡，令披肩跌在地上，她笑問：「邊個靚仔幫我執咗佢？」觀眾即紛紛舉手，最終頭排有位男觀眾跨過圍欄走上台幫她執披肩及獻花，她笑言：「乜咁客氣，又買飛又拍手掌，真係貢獻良多，委屈你哋咁多年聽我唱歌。」