囝囝返兩間幼稚園好開心 諸葛紫岐：佢鍾意讀書！
名媛諸葛紫岐（Marie）昨晚出席時裝展活動，透露囝囝薛華韜（Arthur）已經開學。對於囝囝成為「學霸」，同時入讀兩間幼稚園，她說：「囝囝讀得好開心，其實依家好多家長都有幫小朋友報兩間學校，我事先有問過佢意見，佢都話好鍾意，想識多啲小朋友，去啲新環境。」
問到會否擔心囝囝辛苦？她說：「冇問題！（怪獸家長？）我梗係唔覺得啦！我真係問過佢意見，都想佢知道自己做嘅決定有咩後果。老公都有問過，佢好鍾意學嘢，想識多啲朋友仔一齊玩。」問到囝囝是否資優生？她說：「都OK嘅，都有Check過。（幾多分？）呢個唔係重點，重點係佢鍾意讀書。」