「型男」郭富城有女萬事足，自從囡囡Chantelle出世後，他不時將女兒掛在口邊，每次提起囡囡都笑到見牙唔見眼，眨吓眼Chantelle已經一歲大，前晚城城在主題公園的酒店為愛女搞生日派對，據知他還邀請了圈中好友一齊來參加，好似沈嘉偉、邱淑貞、張智霖、袁詠儀、楊千嬅跟丁子高等，他們都有帶同小朋友出席。
最巧合是無綫前新聞主播蔡雪瑩在隔鄰的宴會場地，為囡囡Sheryl舉行百日宴，她又邀請大班親友來慶祝，更在社交網大晒靚相，見她的囝囝Wesley更穿恤衫襯煲呔，非常可愛，一家四口幸福滿瀉。