熱辣辣晒舞功黎美言拍到一額汗
歌手黎美言（Winkie）近年雙線發展，唱歌外還北上拍電影，最近便到廣州拍攝一套要跳舞又跳繩的電影。她不單止日拍十多小時戲，拍攝完畢後還要再練習跳舞，雖然辛苦但覺得值得，只是大熱天時在街頭拍動作片呻苦，幸有消暑三寶：「每日都出好多汗，等埋位嗰陣要出盡法寶，因為好多時無瓦遮頭，擔遮之餘又要出動風扇仔，仲要有摺櫈可以坐吓。」
Winkie透露今次拍攝有不少在街上取景，令進度變慢：「喺街拍好多圍觀者，佢哋好熱情，清場有難度，有時本來拍一個鐘嘅戲，要花三個鐘才完工。」又表示就算拍室內戲，同樣滿頭大汗：「廣州啲冷氣唔係好凍，開到最低溫都係熱，拍跳舞戲出晒汗。」
