徐天佑克服忌水 Wake Surf晒雄姿
藝人徐天佑鍾情水上活動，趁着夏天經常相約一班好友如關智斌等出海「游」樂。最近，天佑學成Wake Surf，還拍片分享「雄姿」，想不到原來他小時候忌水：「以前唔夠膽跳水，每次只係喺一米幾水深玩吓就算。我好想克服呢樣嘢，最終都成功咗，起碼依家游水OK o架！」
天佑近年試過挑戰玩Wakeboard，卻謙稱「唔算叻」﹕「不過喺失敗經驗領悟到啲嘢，所以早排朋友叫我一齊去玩Wake Surf，好快掌握到竅門，成功上到水。講真我覺得唔算太難，但初學類似水上活動嘅朋友就着救生衣穩陣啲，因為起初真係會不斷跌落水！」又自爆有不快「游」歷：「有次去玩香蕉船，唔小心撼到個頭，對耳仔成個禮拜都聽唔到嘢！真係欺山莫欺水！」
