張建聲長袖遮傷痕：後悔做傻事

藝人張建聲、雨僑、連詩雅和蔡瀚億昨日在中環出席《hmvod十萬付費會員祝捷派對》。張建聲早前情緒病復發鎅手自殘，見他現身時穿長袖衫，問是否用衫遮掩傷痕？他說：「唔係，因為天氣涼着長袖衫。件事過去咗，唔想再提呢啲唔光彩嘅事，身為公眾人物唔想影響小朋友，因為唔開心做出不智行為，自己都好後悔，真係做咗傻事。」
雨僑將到大阪度蜜月。
雨僑將到大阪度蜜月。

他指情緒病復發始於去年的拍攝工作，加上感情處理不當，在積壓下做出愚蠢行為，但已求醫，幾乎百分百康復。問到可有再鎅手？他說：「冇，太不智，我都好憎自己。」提到舊愛陳嘉莉勸勉要珍惜自己，他說：「佢講得好啱，自己經一事長一智。」同場的雨僑性感亮相，透露將與丈夫羅力威到大阪度蜜月，她笑說：「我會睇住佢嘅荷包，唔會揮霍無度。」

張建聲穿上長袖衫，似乎想遮掩傷痕。
  • 張建聲穿上長袖衫，似乎想遮掩傷痕。
連詩雅悉心打扮現身。
  • 連詩雅悉心打扮現身。