樂基兒私下𥄫過黎明囡囡

名模樂基兒（Gaile）與湯怡等昨晚出席活動，談到前夫黎明（Leon）早前罕有晒囡囡近照，問到可有留意？她說：「新嗰張冇，啱啱出世嗰張就有。（佢曾經私下傳囡囡照畀你睇？）唔係！係有人畀我睇。」又指已短訊給Leon送祝賀，對方亦有回覆「謝謝」，又指自己會在網上睇番，相信他的女兒必定十分可愛。問到會否好奇似邊個？Gaile說：「似邊個都唔緊要，最緊要BB開心同健康就得。」剛與老公Ian度過結婚一周年的她，被問到造人計劃時只說：「We're trying！」